"Агаруу" Органик дэлгүүр /agaruu.mn/: 2014

Monday, December 29, 2014

Арьсаа гаднаас нь биш дотроос нь чийгшүүл

Арьс хэдийгээр хүний биеийн хамгийн том эрхтэн боловч тэжээлийн бодисуудыг шингээж авдаг хамгийн сүүлийн хэсэг юм. Өөрөөр хэлбэл хоол тэжээлийн бодисууд хоол боловсруулах замаар орж, цусаар дамжин тараагдсаар хамгийн сүүлд арьсанд очиж, шим тэжээлийн бодисуудаар хангадаг. Тэгэхээр арьс толигор чийглэг гэрэлтэж байвал таны бие бүхлээрээ тэжээлийн бодисуудаар хангалттай хангагдсан, эрүүл байна гэсэн үг.

Таны идсэн хоол таны биеийн эд эс болдогтой адил таны арьсандаа түрхсэн бүтээгдэхүүн ч таны эсэд орж байдаг. Гоо сайхны бүтээгдэхүүнүүд хэдийгээр гаднаас нь чийгшүүлнэ гэгддэг ч ихэнхдээ таны уншиж ч чадахааргүй олон химийн нэгдлүүдийг агуулсан байдаг. Тийм учраас та гаднаас нь мэдэх мэдэхгүй бүтээгдэхүүн хэрэглэснээс дотроосоо эрүүлжиж, гялалзахыг урьдал болгохыг хичээгээрэй.

Арьсыг чийгшүүлэх супер үйлчилгээтэй 7 хүнс

1. Өргөст хэмх
Өргөст хэмх нь арьсанд чийгшил өгч, уян хатан болгох үйлчилгээтэй цахиур элементийг агуулдаг. Өргөст хэмхний дийлэнх хэсэг нь ус бөгөөд амны зугаа болгон идэхэд ч тохиромжтой. Мөн бүх төрлийн шинэ ногооны салатандаа өдөр тутамд тогтмол хэрэглэж байх нь арьсны чийгшилийг хадгалахад тусална.

2. Цоохор майлз
Цахиур агуулах энэхүү ногоо нь бүх төрлийн шинэ ногооны шахсан шүүсэнд өвөрмөц амт оруулдаг.

Цоохор майлз

3. Чиа үр
Омега-3-ийн өндөр агууламжтай чиа үр нь арьсны эсийн ус алдагдахаас хамгаалах үйлчилгээтэй.

Чиа үр. Агаруу дэлгүүрт худалдаалагддаг. 89005671

4. Алое вера
Алое вера буюу зуун настыг гаднаас нь хэрэглэхээс гадна дотроосоо ууж хэрэглэхэд арьсыг төлжүүлж, толийлгож байдаг. Мөн бүх төрлийн шейк, ногоо, жимсний шүүсэндээ нэмж ууж болно.

Алое вера гоо сайханд

Ууж хэрэглэх Алое. 320202 утсаар хүргэлт үнэгүй

Нүүрний шүршигч Алое. 320202 утсаар хүргэлт үнэгүй. Агаруу дэлгүүр

5. Ус
Мэдээж усыг хангалттай хэмжээгээр ууж байх нь эд эсүүдийн бодисын солилцоо хэвийн явагдах орчин болно. Хүний биеийн 2/3 нь ус учраас та бүхий л үйл ажиллагаа хэвийн явагдахад маш чухал үүрэг гүйцэтгэдэг. Нэг аяга тасалгааны температурт байгаа ус уухаас өдрийг эхлэх нь тохиромжтой. Хоолноос 30 минутын өмнө болон хоолноос 2 цагийн дараа 1,1 аяга ус уух нь хоолны шингэцэнд нөлөөлөхгүй ач тустай.

6. Авокадо
Омега-3-аар баялаг, мөн арьсны эрүүл, сайхан байхад чухал үүрэгтэй.

Авокадо

7. Шийгуа
Хэдийгээр бүх жимс, хүнсний ногоо арьсанд гайхалтай үйлчилгээтэй ч шийгуа, амтат гуа зэрэг нь усны өндөр агууламжтай учраас арьсанд чийгшил дотроос нь өгдөг.

Эх үүсвэр: http://foodmatters.tv/content/hydrate-your-skin-from-the-inside-out

Sunday, December 28, 2014

Байгалийн жимсгэнүүдэд агуулагдах антоцианин, ач тус

Флавоноидууд нээгдсэн түүх

Флавоноидуудыг, мөн С аминдэмийг, 20-р зууны хамгийн ихээр хүндлэгдсэн биохимич Albert Szent-Gyorgyi (1893-1896) нээсэн юм. Szent-Gyorgyi нь С аминдэмийг ялгах явцдаа флавоноидуудыг нээсэн. Буйлнаас нь цус гардаг найздаа нимбэгнээс гаргаж авсан, боловсруулалт, цэвэршүүлэлт хийгээгүй С аминдэмийн бэлдмэл өгөхөд цус алдалт нь зогсжээ. Дахин буйлнаас нь цус гарч эхлэхэд маш цэврээрээ байгаа С аминдэм өгчээ. Тэрээр өмнөхөөс илүү сайн үр дүн гарахыг хүлээж байсан ч ямар ч үр дүн гарсангүй. Szent-Gyorgyi дараа нь боловсруулалт хийгдээгүй С аминдэмийн бэлдмэлээс флавоноид хэсгийг нь ялган авч, найздаа уулгахад бүрэн эдгэрсэн байна.

Szent-Gyorgyi өөрийн нээлтээ судасны ханын нэвчимтгий чанарыг бууруулдаг учраас "P аминдэм" /permiability: нэвчимтгий чанар/ гэж нэрлэжээ. Судасны нэвчимтгий чанар буурах нь С аминдэм дутагдлын өвчин болох чийг бамын гол шинжүүдийн нэг юм. Тэрээр чийг бам нь С аминдэм болон флавоноидуудын дутагдал хоёулангаас үүсдэг гэж үзсэн. Флавоноидууд нь аминдэмд байх шаардлагуудыг хангаагүй учраас тэгэсгээд хаягдсан ч аминдэм, эрдэстэй адил хүний хоол тэжээлд маш чухал байр суурийг эзэлсээр байдаг.

Флавоноидуудын гол эх үүсвэрүүдэд цитрус жимснүүд, жимсгэнүүд, сонгино, яншуй, буурцагнууд, ногоон цай, улаан дарс ордог. Өдөрт 150-200 мг флавоноид хэрэглэхийг АНУ-д зөвлөдөг.

Флавоноидууд нь дотроо маш олон хэлбэртэй, олон янзын хүнсний найрлаганд ордог. Тэдний дундаас антоцианиныг танилцуулж байна.

Манай орны хувьд антоцианины эх үүсвэр нь үхрийн нүд, хад, нэрс, аньс гэх мэт хөх, чернилэн ягаан, улаан өнгөтэй бүх төрлийн жимсгэнүүд, импортоор орж ирдэг усан үзэм, үзэм гэх мэт жимс, хүрэн байцаа, хаш ногоо, улаан хүрэн сонгино зэрэг хүнсний ногоонууд орно.

Антоцианин нь зарим жимс, хүнсний ногооны улаан, чернилэн ягаан, хөх өнгийг үүсгэдэг нөсөөт нэгдэл юм.

Антоцианин агуулдаг хүнсний ногоо, жимснүүд

Антоцианины ач тус үйлчилгээ:

-Компьютерээс үүдэлтэй нүд чилэх, ядрахаас хамгаална.
-Нүдний хараа муудахаас сэргийлнэ.
-Тархины бичил судасны уян хатан чанарыг сайжруулна.
-Тархины цусан хангамжийг сайжруулна.
-Мэдрэлийн эсийг гэмтлээс хамгаална.
-Эд, эсийн гэмтлээс сэргийлж, хөгшрөлт, үрэвсэл, хавдраас сэргийлэх үйлчилгээтэй антиоксидантуудын өндөр агууламжтай.
-Зүрх судасны өвчин тусахаас сэргийлнэ, судас хатуурлыг хүндрэхээс сэргийлнэ.
-Үрэвслийн эсрэг үйлчилгээ үзүүлнэ.
-Цус бүлэгнэлтийг бууруулж, цус шингэлнэ.
-Хавдрын эс үүсэхээс сэргийлнэ, хавдрын эсийн ургалтыг удаашруулна.
-Хавдрыг тэжээх судас үүсэх үйл явцыг сааруулна.
-Чихрийн шижинтэй хүмүүсийн цусны сахарыг бууруулж, инсулинд мэдрэг байдлыг нэмэгдүүлнэ.

Дээрх үйлчилгээнүүд нь одоогийн байдлаар судлагдаж тогтоогдсон үр дүнгүүд юм. Гэхдээ цаашид илүү их судалгаа хийж, илүү нарийн судлах шаардлагатай хэвээр байгаа /Medicinal Plants as Antioxidant Agents: Understanding Their Mechanism of Action and Therapeutic Efficacy, 2012 номноос/.

Нүдийг хамгаалах нь
Орчин үеийн амьдралын хэв маягт компьютерийн хэрэглээ ихэссэнээр нүдний үрэвсэл, улайлт, ядаргаа, хараа муудах зэрэг асуудлууд урган гарч ирж байна. Лайфстрийм үхрийн нүдний бэлдмэл нь компьютертэй холбоотой хараа муудахаас сэргийлж, хараа сайжруулах үйлчилгээтэй.

Тархины үйл ажиллагааг дэмжих нь
Лайфстрийм үхрийн нүдний бэлдмэл нь тархины бичил судасны ханын уян хатан чанарыг сайжруулах, даралтыг бууруулах замаар тархины цусны эргэлтийг нэмэгдүүлж, үйл ажиллагааг идэвхижүүлж өгдөг.

Үхрийн нүд антиоксидант болох нь
Үхрийн нүдэнд агуулагдах антоцианин нь идэвхитэй антиоксидантын үүрэг гүйцэтгэдэг. Антиоксидантын гол үүрэг нь биеэс чөлөөт радикалыг зайлуулах юм. Хоол тэжээлээр нэмэлт антиоксидант хэрэглэх нь бие организмын ерөнхий эсэргүүцэл сайжруулах нөлөөтэй байдаг. - See more at: http://lifestream.mn/?dazo=mcategory&mcatid=42#sthash.Ia7kOh5M.dpuf

100% байгалийн гаралтай үхрийн нүд жимсний хуурай ханд 28,8г, үүнд агуулагдах антоцианин 60мг - See more at: http://lifestream.mn/?dazo=mcategory&mcatid=42#sthash.Ia7kOh5M.dpuf

100г-д агуулагдах антицианины хэмжээ /J. Agric. Food Chem. 2006, 54, 4069-4075/

Зэрлэг нэрс /wild blueberry/:                  486мг
Таримал нэрс /cultivated blueberry/:      386мг
Үхрийн нүд /blackcurrant/:                    476мг
Улаан бөөрөлзгөнө /red raspberry/:       92мг
Аньс /cranberry/:                                     140мг
Гандгаарь /elderberry/:                            1375мг

Жимсэн дэх антоцианины агууламж

Агаруу дэлгүүрт /89005671/ аньс, үхрийн нүд, хад, нэрс жимснүүд хөлдүү хэвээр худалдаалагддаг. Хөлдөөснөөр тэжээллэг чанар нь хамгийн удаан хадгалагдах боломжтой.

Хөлдөөж, худалдаалж буй жимсгэнүүд

Агаруу дэлгүүрт Шинэ Зеландын үхрийн нүдний бэлдмэл болох Lifestream Bioactive Blackcurrant худалдаалагддаг. 1 капсулдаа үхрийн нүд жимсний хуурай ханд 28,8г, түүнд агуулагдах антицианин 60мг. 320202 утсаар захиалбал хот дотор үнэгүй хүргэлттэй.

Үхрийн нүдний бэлдмэл

Thursday, December 25, 2014

Спирулина буюу мушгираа замаг

Дэлхий дээрх хамгийн эртний амьд биетүүдийн нэг болох спирулина хөх-ногоон замаг нь хэдэн тэрбум жилийн турш хүчилтөрөгчийг үйлдвэрлэсээр иржээ. Спирулина нь зөвхөн ус ууж, спирулина идэж амьдарч болохуйц маш их тэжээлийн бодисуудыг агуулдаг. Маш олон тооны судалгаануудаар спирулинагийн агууламж, үйлчилгээг судалсан байдаг. Энэ нь 60-70%-ийн төгс уураг буюу эссенциал 8 аминхүчил, 10 эссенциал биш аминхүчлүүдийг агуулдаг. Уургийн кг жин дэх агууламжаараа үхэр, тахианы мах, шар буурцгийнхаас ч их.

Спирулина замаг

Бусад тэжээлийн бодисуудаас дурьдвал биед омега-3 тосны хүчилд хувирдаг гамма-линолений хүчил, линолейн хүчил, арахидоны хүчил, В12 аминдэм, төмөр, РНХ, ДНХ нуклейн хүчлүүд, хлорофилл, фикоцианин ордог. Фикоцианин нь зөвхөн хөх-ногоон замганд л агуулагддаг дархлаа сайжруулах үйлчилгээтэй найрлага юм.

Спирулина нь шимэгдэх чадвар маш өндөр, дархлааг сайжруулж, эрдсийн шимэгдлийг нэмэгдүүлж, холестеролын хэмжээг бууруулдаг.

Спирулина замаг

Спирулинаг хэрэглэх үед биеийн байдал, энерги мэдэгдэхүйц нэмэгддэг. Биед шаардагдах шимт бодисуудаар хангаж, биеийг цэвэрлэж, эмчлэн эдгэрүүлэх үйлчилгээ үзүүлэхээс гадна ханиад, хомхой, гахайн хавдар, салхин цэцэг зэрэг өвчин үүсгэгч вирусууд болон бүх төрлийн хавдар үүсэхээс урьдчилан сэргийлэх хамгаалалтыг бий болгодог.

Омега-3 тосны хүчлийг зөвхөн загаснаас авдаггүй ба ургамлын гаралтай эх үүсвэр болох спирулинагаас авах боломжтой. Омега-3 тосны хүчлүүд нь зүрх, судасны өвчнөөс сэргийлэх, артрит, остеопороз, чихрийн шижин, сэтгэл гутрал зэргийн тохиолдлыг бууруулж, шинж тэмдгийг намдаадаг.

Спирулина нунтаг

В12 аминдэмийн агууламж өндөр учраас мэдрэлийн эд, эсийн хөгжил болон биеийн бүх эсийн нөхөн төлжилд шаардагддаг. Спирулина нь А аминдэмийн урьдал бодис болох бета каротин ихтэй учир дархлаа, салст бүрхэвч, арьс, нүдний эрүүл мэндэд чухал ач холбогдолтой.

Бусад В аминдэмүүд, Д, К, Е аминдэм, кальци, хром, зэс, йод, магни, фосфор, кали, селен, цайр зэрэг аминдэм, эрдсийг спирулина хэрэглэснээр авч болно. Мэдрэлийн эсийг хамгаалж, элэг, бөөрний хоргүйжүүлэх чадварыг нэмэгдүүлдэг. Биеийн дотоод хүчил-шүлтийн орчныг хэвийн хэмжээнд оруулдаг тул ихэнх үрэвслийн процессийг намдаадаг.

Спирулина нь антиоксидант ихээр агуулдаг учраас чөлөөт радикалуудыг устгаж, хөгшрөлтийг удаашруулж, хоолны дуршилыг нэмэгдүүлж, жин бууруулж, хоол боловсруулалтыг сайжруулж, цус төлжилтийг нэмэгдүүлэх гэх мэт маш олон ач тустай.

Спирулина шахмал

Микробын эсрэг үйлчилгээтэй тул эмгэгтөрүүлэгч бактер, мөөгөнцрийн ургалтыг хянаж байдаг. Найрлага дах полисахарид нь ясны чөмөг, сэрээ булчирхай, дэлүүний эсийн үйл ажиллагааг сайжруулснаар дархлааны үйл ажиллагааг идэвхижүүлдэг.

Цацрагийн хордлогыг спирулина үр дүнтэйгээр эмчилж байсан туршлага ч байдаг.

Хэдийгээр тааламжгүй амттай ч шахмал хэлбэрээр хэрэглэхэд амтыг их мэдрэхгүй. Бага насны хүүхдэд нунтаг хэлбэрээр нь жимс, ногооны шүүс, каш, зутан, тараг, хоолонд хийж өгөхөд тохиромжтой. Насны хязгаарлалтгүйгээр бүх насныхан хэрэглэхэд зохимжтой гайхалтай хүнс юм.

/http://www.naturalnews.com/036101_spirulina_superfood_nutrients.html/

Спирулина замаг болон түүнтэй адил төрлийн замаг болох Хлореллагийн ялгаа

Спирулина

Сайн шимэгдэлттэй уургийн агууламж өндөртэй. Үхрийн махны уурагнаас 12 дахин их хэмжээний уургийг агуулдаг
Хлореллагаас илүү сайн шимэгдэнэ. Хлорелла зарим хүнд суулгалт үүсгэж магадгүй.
Гамма-линолений хүчил нь тархи, зүрх, бусад эрхтнүүдийн үйл ажиллагаанд сайнаар нөлөөлдөг.
Фикоцианин хэмээх дархлаа дэмжих, хавдраас урьдчилан сэргийлэх үйлчилгээтэй бодис агуулдаг.

Хлорелла

Хлорофиллийн баялаг эх үүсвэр болдог тул хоргүйжүүлэх, цэвэрлэх үйлчилгээтэй.
Элэгний өвчтэй, архи, тамхи хэрэглэдэг хүмүүст илүү тохиромжтой.
Өтгөн хатдаг хүмүүст тустай.
Нөхөн сэргэлт шаардлагатай мэдрэл, булчингийн дегенератив өвчнүүдээр шаналт байгаа хүмүүст хэрэгтэй.
Хлораллегийн өсөлтийн хүчин зүйл хэмээх өсөлтийн хүчин зүйлийг агуулдаг. Энэ нь дархлаа дэмжих үйлчилгээтэй байдаг. Энэхүү өсөлтийн хүчин зүйл нь мэдрэлийн эд, эсийг нөхөн төлжүүлдэг тул тархи, мэдрэлийн дегенератив өвчнүүдийн үед хэрэглэдэг.